मंसिर  ३, २०८२ कैलाली – गत भदौ २४ गते कैलाली जिल्ला अदालतमा भएको आगजनी प्रकरणमा प्रहरीले तीन जनालाई पक्राउ गरेको छ। पक्राउ पर्नेमा धनगढी उपमहानगरपालिका–३ का २४ वर्षीय आशिष भण्डारी, ३० वर्षीय अमन केसी र २४ वर्षीय भरत बम रहेका छन्।

कैलाली प्रहरीका प्रवक्ता प्रहरी नायब उपरीक्षक (डीएसपी) राजकुमार सिंहका अनुसार, जिल्ला अदालतले दिएको जाहेरीको आधारमा पक्राउ गरिएको हो। अदालतले आगजनीमा संलग्न व्यक्तिहरूलाई पहिचान गरी कारवाहीमा ल्याउन माग गरेको थियो।

२४ भदौको घटनामा जिल्ला अदालत कैलालीमा २००७ सालदेखिका ३० हजारभन्दा बढी मुद्दाका मिसिल जलेर नष्ट भएका थिए। प्रहरीले यस सम्बन्धमा अनुसन्धान जारी राख्दै कारवाही प्रक्रिया अघि बढाएको जनाएको छ।