मधेशको सुक्खाग्रस्त क्षेत्रमा प्रधानमन्त्री ओलीले गरे हवाई अवलोकन

प्रकाशित मिति

२०८२ श्रावण ९ गते, शुक्रबार ०१:२८

प्रधानमन्त्री केपी शर्मा ओलीले तराई मधेश प्रदेशमा परेको खडेरीको अवस्था अवलोकन गरेका छन्। साउन ७ गते बसेको मन्त्रिपरिषद् बैठकले मधेश प्रदेशलाई तीन महिनाका लागि विपद् संकटग्रस्त क्षेत्र घोषणा गरेको थियो। पानी नपरेर धान रोपाइँ प्रभावित भएपछि समस्या समाधानका उपायबारे प्रधानमन्त्रीले सम्बन्धित मन्त्री, प्रदेश सरकार र उच्च अधिकारीसँग छलफलसमेत गरेका थिए।

शुक्रबार महोत्तरी र बाराका विभिन्न कार्यक्रममा सहभागी हुन पुगेका प्रधानमन्त्री ओलीले हेलिकोप्टरबाट सुक्खाग्रस्त क्षेत्रको हवाई निरीक्षण गरेका हुन्।