आजबाट सरकारी कार्यालय ४ बजेसम्म मात्रै खुल्ने

प्रकाशित मिति

२०७९ कार्तिक १६ गते, बुधबार ०५:३२

१६ कात्तिक २०७९, काठमाडौँ : आजबाट सरकारी कार्यालय खुल्ने समय घटेको छ । आज (कार्तिक १६ गते, बुधबार) बाट देशभरका सरकारी कार्यालय ४ बजेसम्म मात्र खुल्ने भएका छन् । आजबाट जाडोयामको कार्यालय समय लागु हुने भएकोले सरकारी कार्यालय खुल्ने समय एक घण्टा कम भएको हो ।

आजदेखि माघ १५ गतेसम्म सरकारी कार्यालयहरु बिहान १० बजेदेखि अपरान्ह ४ बजेसम्म मात्र खुल्ने भएका हुन् । शुक्रबार भने ३ बजेसम्म कार्यालय समय कायम रहनेछ । माघ १६ गतेदेखि भने सरकारी कार्यालयहरु बिहान १० बजेदेखि बेलुका ५ बजेसम्म नै कार्यालय खुल्ने छन् ।