१९ जेठ २०८३ काठमाडौं –  राष्ट्रिय सभा बैठक विपक्षी दलहरूको अवरोधपछि स्थगित गरिएको छ। बैठक स्थगित भएको घोषणा राष्ट्रिय सभा अध्यक्ष नारायणप्रसाद दाहाल ले गरेका हुन्।

उनका अनुसार बैठक भोलि दिउँसो सवा १२ बजेसम्मका लागि स्थगित गरिएको छ। प्रधानमन्त्री बालेन शाह ले प्रतिनिधिसभा बैठकमा दिएको सीमासम्बन्धी अभिव्यक्ति फिर्ता लिनुपर्ने माग गर्दै विपक्षी दलहरूले बैठक सुरु हुनासाथ अवरोध गरेका थिए।

विपक्षी सांसदहरू आसनबाट उठेर नाराबाजी गरेपछि अध्यक्ष दाहालले उनीहरूलाई बोल्न समय दिएका थिए। तर उनीहरूले प्रधानमन्त्रीको अभिव्यक्ति गैरजिम्मेवार भएको भन्दै फिर्ता लिन अडान दोहोर्याए।

लगातार अवरोध कायम रहेपछि बैठक सञ्चालन हुन नसकी स्थगित गरिएको हो।