३१ बैशाख २०८३ काठमाडौं-  जेठ महिनाका लागि वाणिज्य बैंकहरूले सार्वजनिक गरेको ब्याजदर तालिकाअनुसार अधिकांश बैंकको ब्याजदर स्थिर रहेको छ । बैंकहरूले सार्वजनिक गरेको विवरणअनुसार ६ बैंकले ब्याजदर घटाएका छन् भने २ बैंकले सामान्य वृद्धि गरेका छन् । बाँकी १२ बैंकको ब्याजदर भने स्थिर रहेको छ ।

प्रकाशित तालिकाअनुसार एनएमबि बैंक, एनआईसी एसिया बैंक, हिमालयन बैंक, नेपाल बैंक, स्ट्यान्डर्ड चार्टर्ड बैंक नेपाल र कुमारी बैंकले ब्याजदर केही घटाएका छन् ।

त्यसैगरी सिद्धार्थ बैंक र सिटिजन्स बैंक इन्टरनेसनलले भने ब्याजदर सामान्य रूपमा बढाएका छन् । बाँकी बैंकहरूले व्यक्तिगत तथा संस्थागत दुवै प्रकारका निक्षेपको ब्याजदर वैशाख महिनाकै स्तरमा कायम राखेका छन् ।