२४ चैत,२०८२ काठमाडौं – बागमती प्रदेश स्वास्थ्य मन्त्रालयले प्रदेशका निजी तथा गैरसरकारी अस्पतालहरूलाई कुल शय्याको कम्तीमा १० प्रतिशत शय्या गरिब तथा विपन्न बिरामीका लागि निःशुल्क उपलब्ध गराउन निर्देशन दिएको छ। स्वास्थ्यमन्त्री किरण थापामगरका अनुसार प्रदेश स्वास्थ्य सेवा ऐन, २०७५ बमोजिम उक्त व्यवस्था कडाइका साथ कार्यान्वयन गर्न निर्देशन दिइएको हो।

नियम पालना नगर्ने अस्पतालमाथि कारबाही हुने चेतावनी पनि दिइएको छ। मन्त्रालयले अस्पतालहरूलाई सामाजिक सेवा इकाई स्थापना गरी लक्षित वर्गलाई निःशुल्क उपचार तथा औषधि उपलब्ध गराउन र त्यसको मासिक विवरण पेश गर्न समेत निर्देशन दिएको छ।

साथै, प्रदेशका ग्रामीण क्षेत्रमा विशेषज्ञ चिकित्सकसहितको टोली परिचालन गरी निःशुल्क स्वास्थ्य सेवा प्रदान गर्ने अभियानसमेत सञ्चालनमा ल्याइएको छ।