काठमाडौं । कृषि विकास बैंक लिमिटेड (ADBL) ले गत आर्थिक वर्षको मुनाफाबाट शेयरधनीहरूलाई वितरण गर्ने १३ प्रतिशत लाभांश घोषणा गरेको छ। बैंकको सञ्चालक समितिको कार्तिक १९ गते बसेको बैठकले उक्त लाभांश प्रस्ताव गरेको हो। घोषित कुल १३ प्रतिशत लाभांशमध्ये ३.२५ प्रतिशत बोनस शेयर र ९.७५ प्रतिशत नगद लाभांश (कर प्रयोजनसहित) रहेका छन्।

त्यसका साथै, बैंकले हाल कायम रहेको फिर्ता नहुने अग्राधिकार शेयर पूँजीमा वार्षिक ६ प्रतिशत नगद लाभांश वितरण गर्ने निर्णय पनि गरेको छ।बैंकले जनाएको छ कि सो प्रस्तावित लाभांश नेपाल राष्ट्र बैंकको स्वीकृति र आगामी वार्षिक साधारण सभाबाट पारित भएपछि मात्र वितरण गरिनेछ।

कृषि विकास बैंक नेपालको प्रमुख वाणिज्य बैंकमध्ये एक हो, जसले देशभरका शाखामार्फत कृषि, सहकारी र ग्रामीण क्षेत्रको वित्तीय पहुँच विस्तारमा महत्वपूर्ण भूमिका खेलेको छ।