भदौ १९,२०८२ काठमाडौं –  सत्तारुढ दल नेकपा (एमाले) का महासचिव शङ्कर पोखरेलले सामाजिक सञ्जाल बन्द हुने संकेत गरेका छन्। बिहीबार बिहान सामाजिक सञ्जालमै पोस्ट गर्दै उनले सामाजिक सञ्जाल बन्द भइ नखुल्दासम्म खल्बल्याइएका असल सामाजिक परम्पराहरूलाई पुनःस्थापित गर्ने अवसर बनाउन आग्रह गरेका हुन्।

सरकारले सामाजिक सञ्जाल दर्ताका लागि दिएको म्याद गएराती सकिएसँगै फेसबुकसहितका प्लेटफर्म बन्द हुने चर्चा चलिरहेका बेला महासचिव पोखरेलको यस्तो टिप्पणी आएको हो।

पोखरेलले भनेका छन्, “सामाजिक सञ्जाल बन्द भइ नखुल्दासम्म त्यसले खल्बल्याइदिएका असल सामाजिक परम्पराहरू पुनःस्थापित गर्ने कोसिस गरौँ, सुखद अनुभूति हुनेछ।”