काठमाडौं । लगातार ८ पटक स्थगित भएको सत्तारुढ नेपाल कम्युनिस्ट पार्टी (नेकपा)को स्थायी कमिटीको बैठक आज नवौँ पटकमा भने बसेको छ।

मंगलबार दिउँसो १ बजे प्रधानमन्त्रीको सरकारी निवास बालुवाटारमा बैठक सुरु भएको हो।

आज बिहान ११ बजेको लागि तय गरिएको बैठक दिउँसो १ बजेका लागि सारिएको थियो।

असार १० गतेदेखि सुरु भएको बैठक असार १८ गते यता लगातार ८ पटक स्थगित भएको थियो।

सहमतिका लागि भन्दै यसअघि असार २०, २२ र २४, २६ र साउन २ गते दुईपटक र ४ गते दुई पटक बोलाइएको बैठक पनि स्थगित गरिएको थियो।

१० असारबाट सुरु भएको नेकपा स्थायी कमिटी बैठकमा बोल्ने अधिकांश सदस्यले ओलीले पार्टी अध्यक्ष र प्रधानमन्त्री दुबै पदबाट राजीनामा दिनुपर्ने माग गरेपछि नेकपामा विवाद चुलिएको छ।