देशभर चिसो बढ्यो

प्रकाशित मिति

२०७६ पुष २५ गते, शुक्रबार १०:०४

काठमाडौँ, काठमाडौँ लगायत देशभर चिसो आझै पनि बढ्ने क्रम जारी रहेको छ । शुक्रबार देशका पूर्वी र मध्य पहाडी भूभागमा आंशिक बदली रहने छ भने बाँकी स्थानहरुमा मौसम सामान्यतया सफा रहने जल तथा मौसम पूर्वानुमान महाशाखाले जनाएको छ ।

महाशाखाले जारी गरेको सूचना अनुसार मध्य र पूर्वी पहाडी भूभागका केही स्थानमा हल्का वर्षाको सम्भावना रहेको जनाइएको छ । काठमाडौँ उपत्यकामा अहिले बिहानको न्यूनतम तापक्रम ६.९ डिग्री सेल्सियस रहेको छ । तराई क्षेत्रममा अत्यधिक चिसो बढेको महाशाखाले जनाएको छ ।