एजेन्सी, इरानको राजधानी तेहरानबाट उडेको युक्रेनी विमानका सबै यात्रु र चालक दलका सदस्यको मृत्यु भएको छ । बुधबार विहान इमाम खमेनी एयरपोर्टबाट उडेको विमान उडेको केही समयमै दुर्घटनामा परेको थियो ।

विमानमा १८० यात्रु र चालक दलका सदस्य थिए । उडेको केही समयमा विमान दुर्घटनामा परेकाले केही यात्रु जिवित हुने आशा गरिएपनि सबै मृत भएको इरानी राष्ट्रिय टेलिभिजनले जनाएको छ । कोही पनि जिवित भेटिने सम्भावना नरहेको जनाइएको छ । युक्रेनको राजधानी किभका लागि विमान उडेको थियो । विमान एक घन्टा ढिलो गरी उडेको थियो ।

जल्दै खसेको बुझिएको छ । विमान दुर्घटनाको अनुसन्धान अगाडि बढाइएको जनाइएको छ ।