काठमाडौं, काठमाडौं महानगरपालिका–२७ जमलस्थित डिउटीमा खटिएको प्रहरीलाई आर्थिक प्रलोभनमा पार्न खोज्ने एक जना युवकलाई प्रहरीले पक्राउ गरेको छ । पक्राउ पर्नेमा ललितपुर तासीखेल बस्ने ३० वर्षीय श्याम नारायण मण्डल रहेका छन् ।

बा २० प ८८६० नम्बरको मोटरसाइकल जाँच गर्ने क्रममा महानगरीय प्रहरी वृत दरवारमार्गबाट खटिएको प्रहरीलाई मण्डलले नगद ५ सय रुपैयाँ दिई आर्थिक प्रलोभनमा पार्न खोजेपछि शुक्रबार बिहान पक्राउ परेका हुन् ।

जाँच गर्ने क्रममा मादक पदार्थ सेवन गरेका चालक मण्डलले कारवाहीबाट बच्न प्रहरीलाई उक्त रकम दिन खोजे पश्चात प्रहरीले पक्राउ गरेको जनाएको छ ।