प्रधानमन्त्रीको नक्कली पेजमार्फत आपत्तिजनक पोस्ट

प्रकाशित मिति

२०८२ आश्विन २६ गते, आईतवार ०२:१७

असोज २६, २०८२ काठमाडौं– प्रधानमन्त्री सुशीला कार्कीका नाममा सञ्चालन गरिएको नक्कली फेसबुक पेजमार्फत पूर्वप्रधानमन्त्री केपी शर्मा ओली र अन्य नेताविरुद्ध अनर्गल प्रचार गरिएको छ।

‘PM Sushila Karki’ नामको उक्त पेजमा प्रधानमन्त्रीको फोटो र राष्ट्रिय निशानाको प्रयोग गरिएको छ। यसमार्फत उत्तेजक फोटो, भिडियो र टिप्पणीहरू राखिँदै आएको छ। यद्यपि, प्रधानमन्त्री कार्यालयले अहिलेसम्म यसबारे कुनै औपचारिक प्रतिक्रिया दिएको छैन। प्रधानमन्त्रीको नाममा कैयौँ नक्कली फेसबुक अकाउन्टहरू सक्रिय देखिएका छन्।