असोज २६, २०८२ काठमाडौं– नेपाली कांग्रेसको विद्यार्थी संगठन नेपाल विद्यार्थी संघ (नेविसंघ) ले काठमाडौं महानगरका मेयर बालेन्द्र शाह (बालेन) र ‘हामी नेपाल’ संस्थाका संयोजक सुदन गुरुङविरुद्ध प्रहरीमा उजुरी दिएको छ।

गत भदौ २३ र २४ गते भएको जेनजी आन्दोलनमा विद्यार्थीहरूलाई उक्साएको, तोडफोड तथा आगजनीमार्फत सार्वजनिक र निजी सम्पत्तिमा क्षति पुर्‍याएको आरोप लगाउँदै नेविसंघले काठमाडौं र ललितपुर प्रहरी परिसरमा उजुरी दर्ता गरेको हो।

उजुरी नेविसंघ केन्द्रीय सदस्यहरू मनीषजंग थापा, अशोकसिंह विष्ट र विजय शाहले दर्ता गराएका हुन्। उनीहरूले २४ घण्टाभित्र बालेन र सुदनलाई पक्राउ गरी अनुसन्धान अघि बढाउन माग गरेका छन्।