काठमाडौं, रोजगारीका लागि मलेसिया पुगेका दुई नेपालीको मोटरसाइकल दुर्घटनामा परेर मृत्यु भएको छ । मोटरसाइकल दुर्घटनामा परेर नुवाकोटका शिव दाहाल र कञ्चनपुरको शुक्लाफाँटा नगरपालिका–२, ढकनियाका ३६ वर्षीय सुरेन्द्र भट्टको मृत्यु भएको हो ।

शुक्रबार मलेसियाको साह आलमको जलान कोटाकेमुनिङ मार्गमा भएको दुर्घटनामा दुवै जनाको घटना स्थलमै मृत्यु भएको जानकारी दिइएको छ ।

आर एल सेक्युरिटी कम्पनीमा काम गर्न भनी ६ वर्षअघि मलेसिया पुगेका उनीहरु नेपाल फर्किने तयारीमा थिए । मृत्यु हुने दुवैको शव स्थानीय अस्पतालमा राखिएको छ । उनीहरुको शव नेपाल ल्याउने तयारी भइरहेको छ ।घटनाबारे मलेसियास्थित नेपाली दूतावासमा बताइ सकेको जानकारी भएको छ ।