मंसिर ८, २०८२ काठमाडौं –  नेशनल फण्ड म्यानेजमेन्ट लिमिटेडले सर्वसाधारणका लागि साधारण शेयर (IPO) निष्काशन गर्ने तयारी गरेको छ। कम्पनीले १०० रुपैयाँ अंकित दरमा २१ लाख ६ हजार कित्ता शेयर सार्वजनिक गर्ने भएको हो, जसको कुल मूल्य २१ करोड ६ लाख रुपैयाँ हुन्छ। यो कम्पनीको जारी पूँजीको २० प्रतिशत हो।

आईपिओ निष्काशन तथा बिक्री प्रबन्धकका रूपमा लक्ष्मी सन्राइज क्यापिटल लिमिटेडलाई नियुक्त गरिएको छ। आईपिओ प्रक्रिया अघि बढाउने सम्झौतामा नेशनल फण्ड म्यानेजमेन्टका प्रमुख कार्यकारी अधिकृत सरोज गुरागाई र लक्ष्मी सन्राइज क्यापिटलका प्रमुख कार्यकारी अधिकृत बिजय लाल श्रेष्ठले हस्ताक्षर गरेका छन्।

सम्झौता आज क्यापिटलको कार्यालयमा सम्पन्न गरिएको र कंपनीले निकट भविष्यमै सर्वसाधारणका लागि शेयर निष्काशन प्रक्रिया अघि बढाउने जनाएको छ।