काठमाडौँ — अन्तरिम सरकारका गृहमन्त्री ओमप्रकाश अर्यालले पूर्वराष्ट्रपति विद्यादेवी भण्डारीसँग भेटवार्ता गरेका छन्। बिहीबार बिहान उनले भण्डारीको भंगालस्थित निवासमा पुगेर तोडफोड र आगजनी भएको क्षेत्रको निरीक्षणका साथै भेटवार्ता गरेका हुन्।

भेटमा पछिल्लो राजनीतिक अवस्था, समसामयिक विषयहरू र आगामी निर्वाचनबारे छलफल भएको जनाइएको छ। गत भदौ २३ र २४ गते जेन–जेड आन्दोलनका क्रममा आन्दोलनकारीहरूले भण्डारीको निवासमा आगजनी र तोडफोड गरेका थिए। सो घटनाको पृष्ठभूमिमा गृहमन्त्री अर्यालले उक्त स्थलको निरीक्षणसमेत गरेका हुन्।

यसअघि गृहमन्त्री अर्यालले पूर्वराष्ट्रपति डा. रामवरण यादवसँग पनि भेटवार्ता गरेका थिए।