श्रावण १४, २०८२ काठमाडौं । प्रधानमन्त्री केपी शर्मा ओलीले आज राष्ट्रिय सभामा सम्बोधन गर्ने भएका छन्। दिउँसो १:१५ बजे बस्ने सभाको बैठकमा प्रधानमन्त्री ओलीले नेपालको अतिकम विकसित राष्ट्रबाट विकासशील राष्ट्रमा स्तरोन्नति विषयमा धारणा राख्नेछन्।

बैठकमा राष्ट्रिय सभा अन्तर्गतको विकास, आर्थिक मामिला तथा सुशासन समितिकी सभापति कमला पन्तले ‘नेपालको अतिकम विकसित राष्ट्रबाट विकासशील राष्ट्रमा स्तरोन्नतिसम्बन्धी अध्ययन प्रतिवेदन, २०८१’ पेश गर्ने कार्यक्रम छ।

प्रतिवेदनमाथि हुने छलफलमा प्रधानमन्त्री ओलीले सरकारको तर्फबाट औपचारिक धारणा सार्वजनिक गर्ने तयारी गरेका हुन्। यस विषयमा सांसदहरूबाट विविध सुझाव तथा प्रतिक्रिया अपेक्षित छ।