काठमाडौँ। नेपाली कांग्रेस नेता डा.विश्व पौडेल १८ औँ नेपाल राष्ट्र बैंकको गभर्नरनियुक्त भएका छन् । मंगलबार प्रधानमन्त्री केपी शर्मा ओली र कांग्रेस सभापति शेरबहादुर देउवाले गभर्नर पौडेललाई बनाउने सहमती गरे । सत्तासाझेदारको लामो रस्साकसीपछि राष्ट्र बैंकले १८औँ गभर्नर पाएको हो ।

७९ को प्रतिनिधिसभा निर्वाचनमा चितवन क्षेत्र नं.१ मा नेपाली कांग्रेसकोतर्फबाट उमेदवार बनेका उनी राष्ट्रिय स्वतन्त्र पार्टी (रास्वपा)का हरि ढकालसँग पराजित भएका हुन् । निर्वाचन आयोगको तथ्यांकअनुसार, ढकालले ३४ हजार २ सय ४८ मत ल्याउँदा डा .पौडेलले २५ हजार २२ मत प्राप्त गरेका थिए ।

२०३२ सालमा चितवनको रत्ननगर नगरपालिकामा पौडेलको जन्म भएको थियो । उनले अमेरिकाको क्यालिफोर्निया विश्व विद्यालयबाट विद्यावारिधी गरेका हुन् ।