पहिरो खस्दा नारायणगढ–मुग्लिन सडकखण्ड अवरुद्ध
प्रकाशित मिति
२०७७ श्रावण ५ गते, सोमबार ०९:१५
चितवन । आज बिहान पहिरो खसेपछि नारायणगढ–मुग्लिन सडकखण्डको चारकिलोमा सडक अवरुद्ध भएको छ ।
बिहान ५ बजेतिर दुई वटा विद्युत्का पोलसहित ठूलो पहिरो खसेको हो । जिल्ला प्रहरी कार्यालय चितवनले पहिरो खसिरहेको र ठूलो भएकाले पन्छाउन समय लाग्ने हुँदा एकतर्फी सवारी लामबद्ध गरिदिन अनुरोध गरेको छ ।
दुई दिनदेखि यस क्षेत्रमा लगातार वर्षा भइरहेको छ । इच्छाकामना–६ मा पर्ने चारकिलोमा त्यसअघि पनि पटकपटक पहिरो खस्दा समस्या हुँदै आएको छ ।
प्रतिकृया