राष्ट्रियसभा निर्वाचनका लागि आज अन्तिम नामावली प्रकाशन हुँदै

प्रकाशित मिति

२०७६ पुष २५ गते, शुक्रबार ०९:१०

काठमाडौँ, आगामी माघ ९ गते हुने राष्ट्रियसभा सदस्य निर्वाचनको निर्वाचन कार्यतालिका अनुसार शुक्रबार अन्तिम नामावली प्रकाशन हुँदै छ ।

आयोगका अनुसार आज बिहान १० बजे देखि दिउँसो १ बजेसम्म उम्मेदवारको अन्तिम नामावली प्रकाशन गर्ने र दिनको १ बजेदेखि अपरान्ह ४ बजेसम्म उम्मेदवारलाई निर्वाचन चिन्ह प्रदान गरिने छ ।

नेपालको संविधानअनुसार राष्ट्रियसभाका सदस्यको पदावधि ६ वर्षको हुन्छ । संविधानको धारा ८६ (३) बमोजिम प्रत्येक दुई वर्षमा पदावधि समाप्त भई रिक्त हुने राष्ट्रियसभाका एक तिहाइ सदस्यका निर्वाचन हुदैछ ।