काठमाडौं । कृषि तथा पशुपन्छीमन्त्री रामनाथ अधिकारीले उत्पादित वस्तुहरुमा हुने विषादी प्रयोगलाई न्यूनिकरण गर्नुपर्ने बताएका छन् । जैविक कृषि जागरण यात्रा २०८२ मा बोल्दै उनले धेरै विषादी प्रयोगले भविष्य राम्रो नहुने बताएका हुन् ।

उनले भने, ‘हामी धेरै विषादी प्रयोग गर्छौं । यो विषादी प्रयोगलाई न्यूनिकरण गर्नुपर्छ । विस्तारै विस्तारै उत्पादन कम होला तर यो न्यूनिकरण गर्न जरुरी छ । हामीले यसलाई न्यूनिकरण गर्न सकेनौं भने भविष्य राम्रो छैन ।’

साथै, उनले प्राङगारीक मल तयार गुर्नपर्ने बताए । उनले विषादी नभएको मलका लागि केही न केही पैसा छुट्याउनु पर्ने र त्यसमा अगाडि जानुपर्छ भनेर मन्त्रालयमा दैनिक छलफल चलेको समेत बताए ।