१७ चैत,२०८२ काठमाडौं –  लगातार दुई दिनको गिरावटपछि शेयर बजारमा आज सुधार देखिएको छ। अर्थमन्त्री स्वर्णिम वाग्लेले कार्यभार सम्हालेपछिका प्रारम्भिक दुई कारोबार दिन बजार घटेको भए पनि आज भने हरियाली फर्किएको हो।

नेपाल स्टक एक्सचेञ्ज (नेप्से) सूचक १९.७० अंकले बढेर २८५१.०९ बिन्दुमा पुगेको छ। आज ३३९ कम्पनीका २ करोड ७९ लाख ४२ हजार कित्ता शेयर किनबेच हुँदा कुल ११ अर्ब ११ करोड २४ लाख रुपैयाँको कारोबार भएको छ।

बजारमा सकारात्मक संकेत देखिए पनि कारोबार रकम भने अपेक्षाकृत कम रहेको छ। आज ११ वटा उपसूचकमा वृद्धि देखिएको छ। यसदिन वाणिज्य बैंक समूह ०.७६ प्रतिशत, विकास बैंक समूह ०.९० प्रतिशत, फाइनान्स समूह १.१२ प्रतिशत र होटल तथा पर्यटन समूह १ प्रतिशतले बढेका छन्।