वैशाख २२, २०८२ काठमाडौँ: साताको दोस्रो कारोबार दिन ‘सोमबार’ नेपाल स्टक एक्सचेन्ज (नेप्से) परिसुचक ९ अंकले ओरालो लागेको छ । कारोबार समयको सुरुवातदेखि ओरालो लागेको नेप्से अन्तिम समयमा ९.६२ अंकले घट्दै २६ सय १० को विन्दुमा झरेर बन्द भएको हो ।

आज कुल ३ सय १९ कम्पनीका १ करोड ८४ लाख ३७ हजार बढी कित्ता सेयर किनबेच हुँदा कारोबार रकम ७ अर्ब ६३ करोड ४१ लाख बराबरको भएको छ ।

आज कारोबारमा आएकामध्ये १ सय ५९ कम्पनीको सेयरमूल्यमा गिरावट आउँदा ८६ कम्पनीको सेयरमूल्य उकालो लागेको छ । आज कारोबारमा आएकामध्ये लघुवित्त, म्युचुअल फण्ड र निर्जीवन बीमा बाहेकका सबै समुहको परिसुचक ओरालो लागेका छन् । आज सेयरमूल्य बढेकामध्ये ४ कम्पनीको सेयरमूल्यमा सकारात्मक सर्किट लागेको छ ।