चैत्र ३०, २०८१ काठमाडौँ: नेपाल हङकङमा जारी चार देशीय टी-२० सिरिजको फाइनलमा पुगेको छ ।

शनिबार हङकङविरुद्धको खेल बर्षाले पुरा हुन नसकेपछि दुवैले एक एक अंक बाँडेसँगै नेपाल फाइनलमा पुगेको हो । टस हारेर पहिला ब्याटिंग गरेको हङकङले ९ ओभरमा ३ विकेट गुमाएर ६८ रन बनाउदा बर्षाले खेल रोकिएको थियो । त्यसपछि खेल हुन नसकेपछि खेल रद्ध भएको थियो ।

योसँगै नेपाल ३ खेलमा ५ अंकसहित शिर्ष स्थानमा रहदै फाइनलमा पुगेको छ भने कुवेत ३ खेलमा ४ अंकसहित फाइनलमा पुगेको छ ।

अब नेपालले फाइनल खेल कुवेतविरुद्ध आइतबार खेल्ने छ । त्यस्तै ३ अंक रहेको हङकङ भने कतारविरुद्ध तेस्रो स्थानको लागि आइतबारनै खेल्ने छ ।