माघ २९, २०८१ काठमाडौँ: धितोपत्र दोस्रो बजार मापक नेप्से परिसूचक मंगलबार ६.५४ अंकले बढेको छ । आज नेपाल स्टक एक्सचेन्ज (नेप्से) ०.२४ प्रतिशतले बढेर २ हजार ६८३.८६ को विन्दुमा पुगेको छ ।

आज सात अर्ब २४ करोड ६२ लाख रुपैयाँमा एक करोड ३९ लाख ६८ हजार २५८ कित्ता सेयर किनबेच भएको छ ।

मंगलबार १३४ कम्पनीको सेयरमूल्य बढेको नेप्सेले जनाएको छ । यस्तै, ९८ कम्पनीको सेयरमूल्य घट्दा ११ को स्थिर छ । कारोबार भएका १३ मध्ये आठ समूहको समुहगत परिसूचक घटेको छ भने पाँच वटाको बढेको छ ।

यसदिन सिकलेस, भगवती र रसुवागढी हाइड्रोको सेयरमूल्य सर्वाधिक १० प्रतिशतले बढेको छ । सबैभन्दा धेरै गुमाउनेमा भूगोल इनर्जी विकास बैंकको सेयरमूल्य १० प्रतिशतले घटेको छ ।