पुष २, २०८१ काठमाडौँ: नेपाल क्रिकेट संघ (क्यान) ले जारी नेपाल प्रिमियर लिग (एनपीएल) को उत्कृष्ट टिमका लागि प्रदान गरिने नगद पुरस्कारको औपचारिक घोषणा गरेको छ। क्यानका अनुसार, प्लेअफमा स्थान बनाउने सबै चारवटा टिमले नगद पुरस्कार पाउनेछन्।

क्यानले आज एक विज्ञप्ति जारी गर्दै विजेता टिमलाई १ करोड १० लाख रुपैयाँ प्रदान गरिने जनाएको छ। त्यस्तै, उपविजेताले ५१ लाख रुपैयाँ हात पार्नेछ भने तेस्रो स्थान हासिल गर्ने टिमले २५ लाख र चौथो हुने टिमले १५ लाख रुपैयाँ पाउनेछन्।

एनपीएलको प्लेअफमा जनकपुर बोल्ट्स, सुदूरपश्चिम रोयल्स, कर्णाली याक्स, र चितवन राइनोज टिमले स्थान सुरक्षित गरिसकेका छन्। यससँगै हरेक टिमले कम्तीमा १५ लाख रुपैयाँ पुरस्कार पाउने सुनिश्चित भएको छ।