मंसिर २७, २०८१ काठमाडौँ: नेकपा एकीकृत समाजवादीको बैठक निष्कर्षविहीन भएको छ । दुई दिनसम्म चल्ने भनिएको बैठक तयारी नपुगेको भन्दै बुधबार स्थगित गरेर अर्को दिनलाई सारिएको छ । अब बैठक २८ गते बस्ने छ ।

बुधबारको बैठकमा पोलिटब्युरोबाट १७ जना स्थायी कमिटीमा ल्याउने प्रस्ताव आएपछि विवाद सुरु भएको थियो । सो प्रस्तावमाथि उपमहासचिव राजेन्द्र राईले ‘नोट अफ डिसेन्ट’ राखेका थिए ।

महाधिवेशन समाप्त भएको लामो समय भइसक्दा पनि कार्यविभाजन नहुँदा एकीकृत समाजवादीका नेताहरु जिम्मेवारीबिहीन रहेका छन् ।

असारमा सम्पन्न महाधिवेशनदेखि नै विवाद रहेको एकीकृत समाजवादीले अहिलेसम्म पदाधिकारी चयन गर्न सकेको छैन ।