मंसिर १९, २०८१ काठमाडौँ: नेपाल प्रिमियर लिग (एनपीएल) अन्तर्गत काठमान्डु गुर्खाजले पहिलो जित हासिल गरेको छ । कर्णाली याक्सलाई तीन विकेटले हराउँदै काठमान्डुले पहिलो जित हासिल गरेको हो ।

कीर्तिपुरस्थित त्रिवि क्रिकेट मैदानमा भएको खेलमा कर्णालीले दिएको १५० रनको लक्ष्य पछाएको काठमान्डुले १९.३ ओभरमा ७ विकेट गुमाउदै लक्ष्य पुरा गरेको थियो ।

यस अघि टस हारेर पहिले ब्याटिङ गरेको कर्णाली याक्सले निर्धारित २० ओभरमा ५ विकेट गुमाउदै १४९ रन बनाएको थियो । कर्णालीका लागि शिखर धवनले ५१ बलमा ७२ रन बनाएका थिए ।

यो जितपछि काठमान्डु गुर्खाजको २ खेलमा २ अंक भएको छ भने कर्णालीले आफ्ना दुवै खेलमा हार बेहोरेको छ ।