कार्तिक २५ , २०८१ काठमाडौँ: कालीकोटमा बेलेरो गाडी दुर्घटना हुँदा ६ जनाको मृत्यु भएको छ भने दर्जन बढी घाइते भएका छन् ।

आज पलाता गाउँपालिका–३ स्थित राडुकाप्रे खोलाको बिचमा बोलेरो गाडी दुर्घटना भएको हो । कालीकोटका प्रमुख जिल्ला अधिकारी नारायणप्रसाद भट्टराईले दिएको जानकारी अनुसार उक्त दुर्घटनामा हालसम्म ६ जनाको मृत्यु भएको हो भने अन्य दर्जनभन्दा बढी व्यक्तिहरु घाइते भएका हुन् ।

‘हालसम्म ६ जनाको मृत्यु भएको खबर आएको छ, त्यस्तै दर्जनभन्दा बढी व्यक्तिहरु घाइते भएका छन्,’ उनले भने ।

उद्धारका लागि अहिले सुर्खेतबाट सेनाको हेलिकप्टर त्यसतर्फ गएको छ ।