सुनको मूल्य अहिलेसम्मकै सर्वाधिक महँगो रेकर्ड चाँदीको मूल्य स्थिर

प्रकाशित मिति

२०८१ आश्विन १० गते, बिहीबार ११:२०

काठमाडौं । पाँच दिनदेखि लगातार बढिरहेको सुनको मूल्यले आज फेरि अहिलेसम्मकै सर्वाधिक महँगो मूल्यको कीर्तिमान कायम गरेको छ। गएको आइतबारदेखि सुनको मूल्य निरन्तर बढिरहेको छ।

आज सुनको मूल्य तोलामा तीनसय रुपैयाँ बढेर एक लाख ६० हजार सातसय पुगेको नेपाल सुनचाँदी व्यवसायी महासंघले जनाएको छ। सुनको यो मूल्य अहिलेसम्मकै सर्वाधिक महँगो हो। हिजो सुनको मूल्य एकलाख ६० हजार चारसय रुपैयाँ थियो।

आज चाँदीको मूल्य भने स्थिर छ। चाँदी आज एक हजार नौ सय ५५ रुपैयाँमा कारोबार भइरहेको महासंघले जनाएको छ।