जीप दुर्घटना : रुखमा अड्किएको अवस्थामा दुई शव फेला, दुईजना घाइते

प्रकाशित मिति

२०८१ जेष्ठ १७ गते, बिहीबार ०७:२६

जेठ १७, २०८१ सुर्खेत : सुर्खेतबाट कालीकोटतर्फ गइरहेको जीप सुर्खेत–दैलेख सडकखण्डअन्तर्गत वीरेन्द्रनगर नगरपालिकास्थित रातानाङ्गला नजिक दुर्घटना हुँदा दुईजनाको मृत्यु भएको छ ।

जिल्ला ट्राफिक प्रहरी कार्यालय सुर्खेतका अनुसार दुईजनाको शव रुखमा अड्किएको अवस्थामा भेटिएको छ । दुईजना घाइतेलाई उपचारका लागि प्रदेश अस्पताल पुयाइएको छ ।

दुर्घटनाको विस्तृत विवरण प्राप्त भइनसकेको उक्त कार्यालयले जनाएको छ । दुर्घटनाबारे जानकारी प्राप्त हुनासाथ सुरक्षाकर्मीको एउटा टोली उद्धारका लागि परिचालन भएको थियो ।