• १४ जेष्ठ २०८१, सोमबार
  • 12:31 am

सन्दीपको मुद्दा ‘हेर्दा हेर्दै’मा, भट्ट र उप्रेतीकै इजलासबाट फैसला हुने

प्रकाशित मिति

१ जेष्ठ २०८१, मंगलवार १८:४२

जेठ १, २०८१ काठमाडौँ: बलात्कार अभियोगमा दोषी ठहर भएका क्रिकेटर सन्दीप लामिछानेको मुद्दा ‘हेर्दा हेर्दै’मा परेको छ । उच्च अदालत पाटनका न्यायाधीशद्वय सुदर्शनदेव भट्ट र अन्जु उप्रेती ढकालको संयुक्त इजलासमा परेको मुद्दामा सुनुवाइ नसकिएपछि हेर्दा हेर्दैमा राखिएको हो ।

मुद्दा हेर्दा हेर्दैमा राखिएपछि त्यही इजलासले टुंग्याउने न्यायिक अभ्यास छ । अब न्यायाधीशद्वय भट्ट र उप्रेतीको इजलासले नै सन्दीपको मुद्दाको फैसला गर्ने छ ।

गत पुस २५ गते जिल्ला अदालत काठमाडौंबाट बलात्कार मुद्दामा दोषी ठहर भएका सन्दीपले फागुनमा उच्च अदालत पाटनमा पुनरावेदन गरेका थिए । उनको पुनरावेदनपछि सरकारी वकिलले पनि सन्दीपबाट पीडित भएकी गौशाला २६ (छ) नाबालिग भएको र सन्दीपलाई सजाय कम भएको भन्दै पुनरावेदन गरेको थियो ।

प्रतिकृया