खरिद प्रणालीलाई प्रतिस्पर्धी, पारदर्शी र विकासमैत्री बनाइने : राष्ट्रपति

प्रकाशित मिति

२०८१ जेष्ठ १ गते, मंगलवार ०४:०४

जेठ १, २०८१ काठमाडौँ: सरकारले खरिद कानुनमा पुनरावलोकन गर्ने भएको छ । मंगलबार संघीय संसद्को दुवै सदनको संयुक्त बैठकमा आगामी आर्थिक वर्ष २०८१/०८२ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले खरिद कानुनको पुनरावलोकन गरी खरिद प्रणालीलाई प्रतिस्पर्धी, पारदर्शी र विकासमैत्री बनाइने बताए ।

उनले सार्वजनिक निकायका खरिद एकाइहरूको संस्थागत क्षमता वृद्धि गरिने समेत बताए । उनले विकास कार्यक्रम तथा आयोजनाको अनुगमन तथा मुल्यांकन प्रणालीलाई सूचना प्रविधिमूलक र प्रभावकारी बनाइने बताए ।