सुनको मूल्यमा वृद्धि, तोलाको कति पुग्यो ?

प्रकाशित मिति

२०८० चैत्र २६ गते, सोमबार ११:३६

चैत्र २६, २०८० काठमाडौँ: लगातार उकालो लागिरहेको सुनको मूल्य सोमबार पनि प्रतितोला ६ सय रुपैयाँले उकालो लागेको छ । नेपाल सुनचाँदी व्यवसायी महासंघका अनुसार आईतबार एकैदिन प्रतितोला २ हजार ९ सय रुपैयाँले बढेर प्रतितोला १ लाख ३५ हजार ६ सय रुपैयाँ पुगेको सुनको मूल्य आज पुनः बढ्दै हालसम्मकै उच्च १ लाख ३६ हजार २ सय रुपैयाँ पुगेको हो ।

आज चाँदीको मूल्य पनि प्रतितोला १५ रुपैयाँले बढ्दै प्रतितोला १६ सय ८५ रुपैयाँ पुगेको छ । यसअघि आईतबार नेपाली बजारमा चाँदी प्रतितोला १६ सय ७० रुपैयाँमा कारोबार भईरहेको थियो ।