• १४ जेष्ठ २०८१, सोमबार
  • 11:41 pm

रिपोर्टर्स क्लबले राज्यका तीनै अङ्गलाई महत्वपूर्ण सहयोग पुर्याएको छः पूर्व प्रधानन्यायाधीश कार्की

प्रकाशित मिति

१८ चैत्र २०८०, आईतवार १२:०९

चैत्र १८, २०८० काठमाडौँ: पूर्व प्रधानन्यायाधीश हरिकृष्ण कार्कीले रिपोर्टर्स क्लब नेपाल स्थापना कालदेखि नै आफू सँगसँगै रहेको बताएका छन् । आज (शनिबार) रिपोर्टर्स क्लब नेपालको २६औं वार्षिकोत्सवलाई सम्बोधन गर्दै उनले क्लबले कार्यपालिका, व्यवस्थापिका र न्यायपालिका सबैलाई सहयोग गरेको भन्दै प्रशंसा गरे । पूर्व प्रधानन्यायाधीश कार्कीले रिपोर्टर्स क्लब स्थापनाकाललाई स्मरण गराउँदै निकै संघर्ष गरेर यो स्थानमा आइपुगेको बताए ।

‘ऋषिजीले जुन बेलादेखि यो रिपोर्टर्स क्लब स्थापना गर्नुभएको थियो, स्थापना कालदेखि नै हामी सँगसँगै थियौं । उहाँको क्लब र मैले त्यसबेला सञ्चालन गरेको ल फर्म एउटै घरमा थियो । उहाँले निकै नै संघर्ष गर्दै आज यो ठाउँमा आइपुग्नु भएको छ । म उहाँलाई धेरै धेरै बधाइ दिन चाहन्छु,’– उनले भने ।

रिपोर्टर्स क्लबले नागरिकहरुको मौलिक हकहरुलाई स्थापित गर्न, अभिव्यक्ति स्वतन्त्रतालाई स्थापित गर्न र नागरिकका आर्थिक, सामाजिक र सांस्कृतिक अधिकारहरुलाई सुदृढ गराउने सन्दर्भमा महत्वपूर्ण योगदान रहेको उनको भनाइ छ ।

प्रतिकृया