पुस १७, २०८० काठमाडौँ: मंगलबार शेयर बजार परिसूचक नेप्से दोहोरो अंकले घटेको छ । आज ३०.०५ अंकले बजार घटेर २०३०.१० अंकमा पुगेर बन्द भएको हो । नेप्से घटेसँगै ठूला कम्पनीको कारोबार मापन गर्ने सेन्सेटिभ इन्डेक्स पनि ४.५४ अंकले घटेर ३८०.५३ अंकमा पुगेर बन्द भएको छ ।

आज ३०५ कम्पनीका १ करोड ११ लाख ८५ हजार कित्ता शेयर ४ अर्ब ४ करोड ४६ लाख ५९ हजारमा किनबेच भयो । दोहोरो अंकले बजार घटेसँगै आज सबै समूहको उपसूचक राताम्मे बनेका छन् ।

आज कारोबार रकमका आधारमा शिवम सिमेन्ट र कारोबार शेयरका आधारमा हिमाल दोलखा हाइड्रोपावर शीर्ष स्थानमा रहे ।