पुस १५, २०८० काठमाडौँ: रूसको सीमावर्ती सहर बेलगोरोडमा भएको गोलाबारीमा कम्तीमा दुई बालबालिकाको मृत्यु भएको क्षेत्रीय गभर्नर व्याचेस्लाभ ग्लाडकोभले बताएका छन् ।

युक्रेनी सशस्त्र बलहरूले बेलगोरोडको केन्द्रमा गोलाबारी गरेका थिए । प्रारम्भिक जानकारीअनुसार दुई बालबालिकाको मृत्यु भएको र धेरै घाइते भएको बताइएको छ ।

आक्रमणको क्रममा आवासीय बस्तीहरू पनि प्रभावित भएका छन् । सबै बासिन्दाहरूलाई शरण लिन आग्रह गर्न मिसाइल आक्रमणको अलार्म बजाइएको छ । रुसी रक्षा मन्त्रालयले यसअघि शुक्रवार राति रुसी वायु रक्षा प्रणालीले बेल्गोरोड क्षेत्रको क्षेत्रमा १३ वटा रकेट नष्ट गरेको बताएको थियो ।