कोन्ज्योसोममा राष्ट्रपति रनिङशिल्ड प्रतियोगिता

प्रकाशित मिति

२०८० पुष २ गते, सोमबार १२:३०

पुस २, २०८० ललितपुर: ललितपुरको कोन्ज्योसोम गाउँपालिकामा गाउँपालिका स्तरीय प्रथम राष्ट्रपति रनिङशिल्ड प्रतियोगिता सम्पन्न भएको छ । २०८० मंसिर २८ र २९ गते सञ्चालन भएको उक्त प्रतियोगितामा गाउँपालिका भारदेउ स्थित बालेश्वरी माध्यामिक विद्यालय प्रथम भएको छ । उक्त विद्यालयले रनिङशिल्ड हात पार्न सफल भएको गाउँपालिकाले जनाएको छ ।

गाउँपालिकाद्वारा आयोजना गरिएको तथा चौरेघरे स्थित बाघभैरब माध्यामिक विद्यालयले उक्त कार्यक्रमको व्यवस्थापन गरेको गाउँपालिकाका उपाध्यक्ष राजन प्रसाद घिमिरेले जानकारी दिनुभयो ।