मंसिर ८, २०८० काठमाडौँ: राष्ट्र, राष्ट्रियता, धर्म, संस्कृति र नागरिक बचाउन महाअभियानका संयोजक दुर्गा प्रसाईंले आजबाट तीनकुनेमा प्रदर्शन गर्ने भएका छन् । पहिलो दिन बल्खुमा शक्ति प्रदर्शन गरेका प्रसाईं आजबाट तीनकुने केन्द्रित हुने भएका हुन् ।

बिहीबार बल्खुमा राखिएको कार्यक्रममा युवा संघका कार्यकर्ता पुगेपछि स्थिति तनावपूर्ण बनेको थियो। प्रहरीसँग पनि झडप भएको थियो । जसमा पाँच प्रहरी र २३ प्रदर्शनकारी घाइते भएका थिए ।

प्रसाईंले व्यवस्था परिवर्तन नभएसम्म आन्दोलन जारी रहने बताएका छन्। व्यवस्था परिवर्तन गरेर मात्र फर्किने उनको भनाइ थियो ।