कात्तिक १४, २०८० काठमाडौँ : टी—२० विश्वकप छनोट क्रिकेट प्रतियोगितामा मंगलबार कीर्तिपुरस्थित अन्तर्राष्ट्रिय क्रिकेट मैदानमा आयोजक नेपाल र मलेसियाबिच खेल हुँदैछ । खेलमा मलेसियाले टस जिती पहिले ब्याटिङ गर्ने निर्णय लिएको छ ।

एसियाली क्षेत्रको अन्तिम चरणको छनोट खेलमा नेपाल र मलेसिया दुवैको यो दोस्रो खेल हो । यसअघि सोमबार खेलिएको आफ्नो पहिलो खेलमा नेपालले सिंगापुरलाई आठ विकेटले हराएको थियो । मलेसिया भने आफ्नो पहिलो खेलमा ओमानसँग ३२ रनले पराजित भएको थियो ।

यो छनोट प्रतियोगिताको फाइनलमा पुग्ने दुईवटा टोली सन् २०२४ मा आयोजना हुने टी—२० विश्वकपमा छनोट हुनेछन् ।