१८ श्रावण २०८०, काठमाडौँ: लघुवित्त पीडितहरुले काठमाडौंको बिजुलीबजारमा सडक जाम गरेका छन् । बिजुलीबजारको पुलमा उनीहरु धर्ना बसेका कारण बानेश्वर माइतीघर सडक खण्डमा सवारी साधनको आवागमन प्रभावित भएको छ ।

लघु वित्तीय संस्था खारेजीलगायतका ५ बुँदे माग अघि सार्दै लघुवित्त पीडितहरूले प्रदर्शन गर्दै आएका छन् ।

यसअघि उनीहरूले साउन १० गते नयाँ बानेश्वरको एभरेस्ट होटलअगाडि गरेको प्रदर्शनमा प्रहरीले हस्तक्षेप गरेको थियो । त्यसको भोलिपल्ट अर्थ मन्त्रालयले सहसचिव भूपाल बरालको संयोजकत्वमा वार्ता समिति गठन गरेको थियो । तर, पीडितहरूले आन्दोलनका कार्यक्रम जारी नै राखेका छन् ।