• 3:28 pm

दरबार हत्याकाण्ड भएको आज २२ बर्ष पुरा

प्रकाशित मिति

२०८० जेष्ठ १९ गते, शुक्रबार १०:४९

१९ जेठ २०८०, काठमाडौँ: दरबार हत्याकाण्ड भएको शुक्रबार (आज) २२ वर्ष पूरा भएको छ । २०५८ साल जेठ १९ गते दरबारभित्र भएको गोलीकाण्डमा तत्कालीन राजा वीरेन्द्र शाहको वंश नै नाश हुनेगरी राजपरिवारका सबै सदस्यको एकै ठाउँमा हत्या भएको थियो ।


हत्याकाण्डमा तत्कालीन राजा वीरेन्द्र, रानी ऐश्वर्य, युवराज दीपेन्द्र, अधिराजकुमार निराजन, राजकुमारी श्रुतीसहितको निधन भएको थियो । घटनापछि तत्कालीन सरकारद्वारा गठित समितिले छानबिनपछि तयार पारेको प्रतिवेदनले घटना तत्कालीन युवराज दीपेन्द्रबाटै भएको ठहर गरे पनि यसलाई धेरैले विश्वास गरेका छैनन् ।


२२ वर्ष बित्दासम्म समेत घटना रहस्यमय छ। हत्याकाण्ड भएको स्थामन नारायणहिटी दरबारलाई अहिले सङ्ग्रहालयमा परिणत गरिएको छ ।

प्रतिकृया