७ जेठ २०८०, काठमाडौँ: प्रमुख प्रतिपक्षी दल नेकपा एमालेका अध्यक्ष केपी शर्मा ओलीले सरकारले ल्याएको नीति तथा कार्यक्रम फिर्ता लिन आग्रह गरेका छन् ।

आइतबार बसेको प्रतिनिधि सभाको बैठक सम्बोधन गर्दै पूर्व प्रधानमन्त्री ओलीले त्यसमा धेरै विषयवस्तुहरु समेटिन नसकिएको भन्दै पुनर्लेखन गर्न माग गरे । पछि नीति तथा कार्यक्रम पास भएन वा त्यसले काम गर्न सकेन भन्नुभन्दा अहिले नै फिर्ता लिएर पुनर्लेखन गर्न आग्रह गरे ।

‘प्रस्वावित नीति तथा कार्यक्रम फिर्ता लिनुुस् । यो पुनर्लेखन गर्नुहोस् । यो पास भएन भनेर प्रतिपक्षीले भन्छ भनेर भन्नुभन्दा फिर्ता लिनुहोस् । यो देशको लागि गरेका छौँ ।’ ओलीले भने ।

त्यस्तै अहिले वैदेशिक सम्बन्धलाई व्यक्तिगत स्वार्थ परिपूर्ति गर्ने साधन बनाइएको भन्दै सरकारप्रति कटाक्ष गरेका छन् ।