जेष्ठ ४, २०८०, काठमाडौँ : संघीय संसद्‍अन्तर्गत प्रतिनिधिसभाको बैठक १२ बज्दासमेत सुरु हुन सकेको छैन। नयाँ बानेश्वरमा बिहीबार ११ बजेका लागि बोलाइएको बैठक निर्धारित समयभन्दा एक घण्टा बढी बितिसक्दा पनि सुरु हुन नसकेको हो।

आजको बैठकमा प्रधानमन्त्री पुष्पकमल दाहालले सांसदहरुले उठाएको प्रश्नको जवाफ दिने कार्यक्रम भएकोले पनि सबैले चासोपूर्वक हेरेको छन्। आजको साना दल तथा स्वतन्त्र सांसदहरूबाट क-कसले प्रधानमन्त्रीलाई प्रश्न सोध्ने भन्ने विषयको सहमति हुन नसक्दाढिला भएको बताइएको छ।

प्रतिनिधिसभा नियमावलीले प्रत्येक महिनाको पहिलो साता प्रधानमन्त्रीले प्रतिनिधिसभामा सांसदहरूले उठाएका प्रश्नको जवाफ दिनुपर्ने व्यवस्था छ। यही व्यवस्थाअनुसार प्रचण्डले बिहीबार सांसदसँग प्रश्नोत्तर गर्न लागेका हुन्।