जेष्ठ ३, २०८०, काठमाडौँ : प्राइम कमर्सियल बैंक लिमिटेडले केही संस्थापक सेयरहरू लिलाम बढाबढ गरी बिक्री खुल्ला गर्ने भएको छ । बैंकले ३ लाख ५१ हजार ८१७ कित्ता संस्थापक समूहको सेयर आज जेठ ३ गते, बुधबारबाट लिलाम बढाबढ गरी बिक्री खुल्ला गरेको हो ।

उक्त सेयरको न्यूनतम मूल्य एक सय ३० रूपैयाँ तोकिएको छ । लगानीकर्ताले सो वा सोभन्दा बढी मूल्य अंकित गरी बोलकबोल गर्नुपर्नेछ । आज जेठ ३ गते, बुधबारबाट बिक्री खुल्ला गरिएको उक्त लिलामी सेयरमा जेठ १७ गतेसम्म आवेदन दिन पाइनेछ ।

लगानीकर्ताले न्यूनतम १००० कित्तादेखि अधिकतम १० ले भाग जाने गरी सम्पूर्ण कित्ताका लागि आवेदन दिन सक्नेछन् ।लगानीकर्ताले बैंकको सेयर निष्कासन तथा बिक्री प्रबन्धक सानिमा क्यापिटल लिमिटेड, नक्साल, काठमाडौँमा आइपुग्ने गरी आवेदन पेश गर्न सक्नेछन् ।