२७ वैशाख २०८०, काठमाडौँ : राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले नक्कली भुटानी ‍शरणार्थी प्रकरणलाई कुनै पनि हालतमा कमजोर बनाउन नहुने बताएका छन्। १५ मिनेटको अवरोधपछि सुरु भएको संसद् बैठकमा बोल्दै उनले शरणार्थी प्रकरण जस्तो जघन्य अपराधलाई कुनै पनि हालतमा कमजोर बनाउन नहुने बताएका हुन्।

आफूहरूले बोल्न नपाएको भन्दै राप्रपाले नै अवरोध गरेको बैठक पुन:सुरु भएपछि बोल्दै उनले यस्तो बताएका हुन्।

उनले भने, ‘यो जघन्य अपराध हो। कुनै पनि हालतमा केसलाई कमजोर बनाउने काम नहोस्। यसबारे ठुला मान्छेको नाम आएको छ। नेताहरुको बैठकले पनि आशङ्का छ। यसबारे सदनलाई जानकारी दिइयोस्। अहिलेसम्म भएको प्रक्रिया जानकारी गराइयोस्। सभामुखबाट रुलिङ होस्।’