७ वैशाख २०८०, काठमाडौँ: के-पप स्टार मुनबिनको २५ वर्षको उमेरमा निधन भएको छ। मुनबिनको रेकर्डिङ कम्पनी फन्टियागाेले उनको निधन भएको जानकारी दिएको हो । दक्षिण कोरियाली सञ्चारमाध्यमले प्रहरीलाई उद्धृत गर्दै मुनबिन बुधबार राति उनको सोलको अपार्टमेन्टमा उनको म्यानेजरले अचेत अवस्थामा फेला पारेको बताएको छ ।

मुनबिनको निधनको कारण पत्ता लगाउन केसको हरेक पक्षमा अनुसन्धान गरिने प्रहरीको भनाइ छ ।

सन् २०१६ मा दक्षिण कोरियाली ब्यान्ड एस्ट्रोको हिस्सा बन्नुअघि मुनबिन एक अभिनेता र मोडल थिए । एस्ट्रो ब्यान्डमा ६ जना सदस्य थिए जसमध्ये सदस्यले यसै वर्षको फेब्रुअरीमा नै ब्यान्ड छोडेका थिए ।