• 11:07 pm

नेपालगञ्जको ब्रिनोज कान अस्पतालमा तालाबन्दी

प्रकाशित मिति

२०७९ चैत्र १२ गते, आईतवार ०३:४१

१२ चैत्र २०७९, नेपालगञ्ज : ब्रिनोज कान स्वास्थ्य स्याहार केन्द्र (अस्पताल), नेपालगञ्जमा तालाबन्दी गरिएको छ । अस्पतालका पुराना कर्मचारी कान सहायक पुरनबहादुर थारुलाई हटाएपछि संस्थामा विवाद उत्पन्न भएको हो। उक्त विवाद जिल्ला प्रशासन कार्यालयमा पुगिसकेको छ भने आइतबार अस्पतालमा तालाबन्दी गरिएको छ।


२०५७ सालमा बाँकेको ५ वटा गाविसबाट काम सुरु गरेको संस्थाले सन् २००९ मा दर्ता गरेर रिफरल सेन्टरको रुपमा अस्पताल सञ्चालन गरेको थियो । संस्थामा सुरुदेखि नै विमलकुमार टण्डन नै अध्यक्ष रहेको, साधारणसभा नभएको, परिवारवाद भएको भन्दै थारुलगायतले आन्दोलन थालेका छन् ।


बेलायती नागरिक निल वेरको सहयोगमा अस्पताल निर्माण भएको हो । सन् २०१५ देखि निलले सहयोग गर्न छोडेका छन् ।

प्रतिकृया