१२ चैत्र २०७९, काठमाडौँ: राष्ट्रियसभा सांसद अनिता देवकोटाले नागरिकमैत्री काम गर्ने कुराबाट सरकार चुक्नु नहुने बताएकी छन् । आइतबारको राष्ट्रियसभाको बैठकमा बोल्दै उनले सरकारलाई यो वा त्यो बहानामा चुक्ने छुट नरहेको बताएकी हुन् ।

सरकारले नागरिकलाई केन्द्रबिन्दुमा राखेर जनमूखी काम गर्नुपर्ने उनको भनाइ थियो । उनले केही दिनअघि विद्यार्थीहरुले आफ्नो कपडामा ‘अब खाडीमा भेटौंला’ भन्नेजस्ता शब्द राख्नु भनेको सरकारप्रति बालबालिकाहरुको भरोसा नरहेको स्पष्ट भएको बताइन् ।

उनले युवाले हाम्रो देशमा हाम्रो भविष्य छैन भन्ने सन्देश दिनु भनेको सरकारप्रति बालबालिकाहरुको भरोसा नहुनु रहेकोले सरकारले बेलैमा यी समस्याको सम्बोधन गर्नुपर्ने उल्लेख गरिन् ।